Tulipoj :)

Paca protesta kampadejo daŭre funkcias. Multaj dormas tie. Volontuloj provizas la protestantojn per manĝaĵoj, plejdoj ktp. La protastuloj mem sinorganizis kaj instalis kampadejan deĵoradon. Ĉe Ĉistije Prudi okazas publikaj lekcioj kaj kursoj por interesantoj — kaj ne nur pri politikaj temoj. Interalie, hodiaŭ matene devis okazi la kerso de Esperanto por komencantoj, sed mi bedaŭrinde ne povis partopreni kaj trovis neniun informon pri tio, kiu gvidis la kurson. Oni nun ofte diras, ke Ĉistije Prudi estas Moskva Hajd-parko.

Dum tiu tempo, la potenculoj ŝajne preparas provokojn. Hieraŭ oni raportis, ke sub premo de policanoj (?) posedanto de moveblaj bio-necesejoj diris ke ili estos forigitaj de la bulevardo (tamen, ĉeestantoj raportas ke la necesejoj plu restas tie), hodiaŭ en centra tutrusia televido aperis filmeto, en kiu loĝantaro de la distrikto plendas pri la protestanta kampadejo kaj petas fermi ĝin. Tamen, en la Reto tuj troviĝis aliaj loĝantoj, kiuj asertas, ke la kampadejo ne estas problemo kompare kun senhejmuloj kaj drinkemuloj, kiuj antaŭ ĉiam «logis» apude, kaj ke ili tute ne kontraŭas. Kaj aperas informo, ke televido NTV preparas novan kalumnian filmon pri gvidantoj de opozicio…